خواه موسا دامنین توت، خواه عیسا، ای فتا
Jump to navigation
Jump to search
خواه موسا دامنین توت، خواه عیسا، ای فتا یازار: سید عظیم شیروانی |
خواه موسا دامنین توت، خواه عیسا، ای فتا،
ترک قیل فرعون نفسی، عشقه ائیله اقتدا.
عشقدیر اول قوه ی جاذب کی خاک مکه دن،
ائتدی جیسم عنصری احمدی عرش آشینا.
عشقدیر کیم کی ائدر وادی ایمندن خروش،
عشقدیر کیمی کی درخت طوردان ائیلر نیدا.
اول گدای عشق، سلطانلیق مورادیندیر اگر،
کیم دیار عشقده آفاقا سلطاندیر گدا.