ერქემ გევობიორე
Jump to navigation
Jump to search
ნარღიშ კარე ქიდიბტე,
ახალთუთა ქიფსინთე,
კირდეშ სომონიერე
ელე გეშაბღვარწკალე,
გურშა ქინიბკარკალე,
თოლი გეგნიბმარწკინდე,
იში წკონდა რაწკალე
ლერსო გეგლაბლაწკარე,
ერქემ გევობიორე,
ქიგიბრაყი მუორე,
ზღვაშ ზოჯუ დო მექარე
ხეშა ქიმიბდიარე,
ზისხირს ღვინი ქუწყორე,
უჩა ჭარას ქუწორე,
ჯვეში წყარსუ ქუყუნე,
ყვა ობჟათეს ქუჭოფე