კუპლეტი.551-552
Jump to navigation
Jump to search
551.კარეშ კართე ებურდილი
დოვსვარ, დოვსოფ დოვხირიწი,
ჭკორსუ კუჩი ქუხვამილე,
შხუ ბიჯგიშა დუდ ქუხირცქი.
გემწოცუეს მათხილენქი,
ორე ნგარა, რქია ფიცხი,
მუნვოჟვენდი ჩქიმ ცხენსუ
დო ღვარღვაციშე დუდი ვირსხი.
52.გომიოლუ ხონარქუ დო
იჸუ ძახინქ სანჭუერქი,
გევოლინი, ეკმადვეს,
მათხოზინეფ ეკოვქერქი.
ჩქიმ ჯიხაშა დუდ ქიპოთი,
ვამუმანჭე ანწი მტერქი,
შური კონი მივკაში დო
ნერქ მუმაჩუ ოჩხუბერქი.