შქვით მეშხანიშ ხოჯი ფთხოზ
Jump to navigation
Jump to search
გილურაჸუქ ბორიემს ზღვაში ლუბაშ მახორო,
შქვით მეშხანიშ ხოჯი ფთხოზ, ზისხირიში მაგორო,
ნოჩეჩ–ნერჩიშ მარგუალს, მითა მიჸუნს მახოლო,
ცას ნირსეფი მიოხენი, მემოჩქ ჯიმაშ საფორო.
გილვოციცუქ შხვაში ჸას, დღამაბრუოშ მაშორო,
ღურუქ ოჭიშ ქუმომჭოფუ, ნოქურიში მაფორო,
დღაშით ქარას მოფციკუქუ, მუჭო ჩხომი მასორო,
სერით ვარა გამკობლუდე, დამორჩილიშ ფაშორო,
მართუს დონწყვე ნასისმარუ, ეკვანგარქუ ლანტარო,
გოჯვარჯვალე მუმაშ ნარგი ნუზუეფი კანტარო,
შხვას გუთოლუ ახალ ნიში, გილვოგაგანქ გაშარო,
ჭითა ჭაპუ ზისხირიში ჸინს მეღოზუნს მაშარო.