Dà bon esempi
Jump to navigation
Jump to search
Domenegh Balestree (1714-1780)
Dà bon esempi
El confortava on bon predicator
a la rassegnazion
in di tribolazion
disend ai sò uditor:
«Boeugna portà la cros, e no gh'è el mej
per andà in loeugh de grazia e de salut!».
E on marì, a sto consej,
cont la bona intenzion de cavan frut,
vist che la nostra cros boeugna portalla,
sortend de gesa, el toeu la miee in spalla.