El gatt del sur Pinin
| El gatt del sur Pinin (1932) by |
| L'è el dì di Mort, alegher! |
VI
El gatt del sur Pinin
(Il gatto del signor Peppino)
Pensa ed opra, varda e scolta,
tant se viv e tant se impara;
mi, quand nassi on’altra volta,
nassi on gatt de portinara!
Per esempi, in Rugabella,
nassi el gatt del sur Pinin...
... scartoseij de coradella,
polpa e fidegh, barettin
del patron per dormigh sora...
pisorgnitt del post disnaa,
tiraa adree finchè ven l’ora
de sarà el porton de straa!
Nanch quel crist d’on cava-oeucc,
con quell grand regoeuij ch’el fa
che, per solet, no ’l gh’à on boeucc
de fottà i client in cà;
nanch el sur Pinin, quell’omm
che in articol veggiaria
t’el pareggi ai preij del Domm,
e dalla portineria
alla cort granda, ai cortin,
ben d’avanz de quella megna
del padron, sui inquilin,
grand amis di gatt el regna;
nè a costù no manch, nè al Denti
quant a cuu no ’l ghe stà indree,
sto gatton per quell che senti!
Ah qui oeucc de forastee
che me guàrden, quell ciocchin
taccaa sù ch’el ciocca mai,
quell vess lì sul tavolin
semper lì, quell moeuves mai,
chè i magutt l’àn stremii sù
nè ’l va pu foeura de cà,
nanca el mogna, quant a lu,
mi l’óo mai sentii a mognà,
e... quell nient, quell vero nient...
lu per lu, sira e mattina
nient el fa, capisset, nient,
propri on nient de Vittorina!
Ah Rity, de quand la Frida
la t’à spaventaa la pilla,
ah che vita descusida,
dolorosa... dilla, dilla...
Es per adess, Rity, l’è tard,
ma per st’altra volta, impara,
ten a ment... daremm su i cart
per vess gatt de portinara!
Pensa e opera, guarda e ascolta, tanto si vive e tanto si impara; io, se nasco un’altra volta, nasco un gatto di portinaia! Per esempio, in Rugabella nasco il gatto del signor Peppino... cartoccetti di corata, polpa e fegato, berrettino del padrone per dormirci sopra... pisolini del pomeriggio, seguitati fino a che vien l’ora di chiudere il portone di strada! Neppure quell’accidenti d’un cava-occhi, con quel suo far soldi, che, per solito, non ha piú neppure un buco dove ficcare i clienti in casa; neanche il signor Peppino, quell’uomo che nel genere «anticaglie» lo metto alla pari alle pietre del Duomo, e che dalla portineria alla corte grande, ai cortiletti, grande amico dei gatti, molto piú di quel tirchio del padron di casa, regna sugli inquilini; né manco a lui né al Denti, quanto a fortuna non ha nulla da invidiare questo gattone, per quel che ne so! Ah quegli occhi estranei che mi guardano, quel sonaglino al collo che non suona mai, quello starsene lí sul tavolino sempre lí, quel non muoversi mai, ché i muratori lo hanno spaventato e non va piú fuor di casa, neppure piú miagola, io, non l’ho mai udito miagolare, e... quel niente, quel vero niente... lui come lui, sera e mattina niente fa, capisci, niente, proprio un niente da Vittorina! Ah! Rity, da quando la Frida ti ha fatto sparire il peculio, ah che vita scombinata, dolorosa... parla, parla... ormai Rity è tardi, ma per quest’altra volta, impara, tieni a mente... faremo domanda per essere gatti di portinaia.