Lassa pur che 'l mond el gira...

Speri Della Chiesa Jemoli (1865-1946)‎

Lassa pur che 'l mond el gira...

de Vers... de lira (1932)

Segond se tira l'aria de Milan
o inveci boffa quella del Tesin,
quand sonna i ôr al noster campannin,
on poo paren arent e on poo lontan...

e intant el mond el và col sò tran tran
e i despiasè ch'el n'ha prontaa 'l destin,
che pàren poeu distant, oppur vesin,
ne riven sempr'adoss incoeu o diman...

inscì conven marcià segond che i pee
de côr o de andà al pass abbien fissaa,
senza curass s'el coo 'l vegnarà adree...

vardà de schivà 'l prossim desgraziaa,
come se varda in del passà on sentee
per no spartinn, di volt, on quai levaa.