Mandamm a cà mi sol, senza lampion
Jump to navigation
Jump to search
Carl'Alfons Pelliscion (1734-1818)
Mandamm a cà mi sol, senza lampion
Mandamm a cà mi sol, senza lampion,
cin quell scur, con quell frecc e quij or,
bagnaa pussee che l'amm d'on pescador
per l'acqua che vegneva a battiron!
Se hin quist, cara Contessa, i attenzion
che l'usa a chi ghe fa de servitor,
a la lontana pur di soeu favor!
Per mi i rinonzi e ghe foo su el croson!
Mi corr, quand fa besogn, innanz e indree
a digh la Messa, e fagh el cortigian,
e, per premi, trattamm pesg d'on ruee?!
No!... No!... Lee che la staga a Scerïan
con chi la voeur, che mi staroo a Soree!
Sont on omm, sont on pret, sont minga on can!