olakit, na saiyang itinatamo nin ontokan asin pagkaon, asin sa saiyang mga ugay naghahalakaga pa an maugayon na dugong kastila; sayang na nagsimbag kan sakong payo, isinumpa ko an sakong kadukhaan asin an sakong honor militar, daing ibang inabot ko iyo na ako resibihon na bakong marhay, labis pa karadt su pagpahumalé sakuya asin ngani naaraman akong sulfado!”
Ominontok su gurang na militar tangnaning humangnos asin, kan makitang dai naggigirong su saiyang kaibahan na naghihimaté saiya na dai saiya naghihiling, nagpadagos;
“Ginibo ko su mga kaipuhan sa sarong asunto sa togon kan saimong ama. Dindlok ko an bantog na abogadong Filipino, an hagbayon na si... alagad nagsayumang mamahala kan asunto,.! ‘Madadaog ako diyan! sabi sakuya. An sakong defensa magiging dahelan nin sombong saimo o sakiya, domolok ka ki Sr. M.— na sarong maigot na taga-pagtalumpati; marahay na magtaram, peninsular asin halangkawon an dangog.’ Pinangakoan kan bantog na abogado na pamamahalaan an asunto asin ta masagana niyang ipinaglaban. Alagad kadakol kan mga kaiwal su iba mga hilom asin mga dai midbid.”
“Nagsasawa na gayo su mga saksing katotoohan, asin su saindang mga pakaraot na kun namugtak sa ibang gampi napurawas kuta kan mga katagang hinihilwas kan defensor, digdi minabilog asin minarigon. Kun nahihimo kan abogado na maging sayang an mga ito huli sa pamamantaag na an mga ito nagsasararongatan man, tolostolos minabangon an mga bagong sumbong. Isinumbong siyang nanamsam nin dakol na mga daga, hinagadan siyang magbayad sa mga karatakan; nagsabing nakipagsunduan an mga tulisan tangganing dai pagrangsaan su saiyang mga tinanom asin mga kahayopan. Sa katapusan, nagobot na marhay su asunto na pagkaayaw nin sangtaon dai na nin nakakasabot. Su alkalde napiritan na maghalé; dominatong an sarong may matanos na dangog, alagad ini sa karaotan nin palad, nagtolong bulan sana, asin makuring pagkamoot sa mga marayrahay na kabayo kan nakasalihid saiya.
“Su mga pagtios, su mga maraot na boot, su mga kapyotan sa bilangguan, asin an kasingpilan sa boot sa pakakita sa dakol na mga mapasaluib, iyong nakaratak
