95. Salma.
Dat basse lavllo goččo Israel maidnot ja rokkadallat hærra, gutte læ buok bagjel aleduvvum, gutte obba ædnam sivnedægje ja ised læ, ja su olbmuides oskaldas gæčče, 1–7, Israel i galga vaimos buoššedet nuftgo sin æppeoskolaš vanhemak, guđek dam boft ječaidæsek erit dakkamen legje dam loppeduvvum vuoiŋadusast, 8–11.
Salma sardno Ibmel armo ja buokvæǥalašvuođa almostusa Kristus sist ja ravve su gittet ja gieldda vaimo buoššedæmest sunji ja su bæsstemi. (Ebr. 3; 7. . . 4, 5. . .)
1 Boattet, illodækkop mi hærra oudast, jednadækkop avoin min bæsstemæmek bavte oudast.
2 Auddanmannop mi gittalusaiguim su čalmi ouddi, illodækkop mi su oudast salmaiguim.
3 Dastgo stuorra Ibmel læ hærra, ja stuorra gonagas
buok ibmeli bagjel, Sal. 47, 3; 96, 4. . .
4 son, gutte ædnam čiegŋalvuođa gieđastes adna, ja gæsa vari divak gullek,
5 gæsa appe gulla, ja son læ dakkam dam, ja goikkeædnam su gieđak læk rakadam.
6 Boattet, gobmardallop ja mannop mi čibbidæmek ala, sojatækkop mi čibbidæmek hærramek, min sivnedægjamek, čalmi oudast.
7 Dastgo son læ min Ibmelæmek, ja mi læp dak
olbmuk, gæid son biebma, ja dat ællo, gæn su gietta
laidde, – odnabæive, jos di gullabættet su jena. Sal. 100, 3. 2 Mosesg. 23, 21. 22. Ebr. 3, 7. . .
8 Allet buoššed din vaimoidædek nuftgo Meribast, nuftgo Massa bæive mæcest,
9 gost din vanhemak muo gæččalegje, muo iskadegje,
josjoge oaidnam si legje muo daǥo. 2 Mosesg. 17, 1. . .
10 Njællja loǥe jaǥe laittastuvvim dam sokkagoddest, ja celkkim: Olbmuk si læk čajadaddam vaimoin, æige muo gæinoid si dieđe;
11 atte moarestam vurdnum: æi si galga boattet
muo vuoiŋadusa sisa. 4 Mosesg. 14, 22, 23. Ebr. 3, 18; 4, 5. . .