Per la mort del gatt del Balestrie
Jump to navigation
Jump to search
Ironem Biragh (1691-1773)
Per la mort del gatt del Balestrieri
Tosann, che su la scima de Parnass
vivii come i scigad cont el cantà,
fee prest, per caritaa, vegnii de bass,
che Meneghin el ve vorav parlà.
Vegnarev mi de sora se volzass,
anch per imprend in dove stee de cà;
ma soo che cascee via cont i sass
quij che fan vers e no sappien fà.
Soo che adess el Parnass l'è deventaa
on cert paes de sospirà on micchin,
e ghe se mœur de frecc per mezz'estaa.
Vegnii chì, provvediv con sto gattin:
mangee la carna frolla in d'on stuaa
e pœù drovee la pell de fà on guantin.