გოიმორძგვას ომარგალე!
Jump to navigation
Jump to search
ქელუდირთით ართ-მაჟიას,
მუჭოთ კირდე, ჯიხას-ჯიხა,
ჯვეშობურო ქომოლურო
ზუგიდი დო წალენჯიხა...
მორძგვას დირთუ სქანი ჭარა,
მუჟამს ართო დიბკათუთი:
გალ, სენაკი, ხობ, აბაშა,
მარტვილ, ჩხოროწყუ დო ფუთი...
თე ცაშ თუდო, უმინჯურო
წიმოტებულ სი რექ ხვალე
ვაგაშქურნას, ვადოზურდა
ვამოდირკა, ომარგალე!
ვაგმაჭყორა, მორდებულო,
ქორშგიდუე მა საჸალე:
გობაღ ლური, გომიკურცხი,
გომიკურცხი ომარგალე!...
ირო, ართო, ართო, ართო,
ართო დინახალე დო გალე,
გოიპირუდას, გოიფალუდას,
გოიმორძგვას ომარგალე!...
1993 წანა