თორუჯჲ ვორექ
Jump to navigation
Jump to search
მოფთხოზჷნა ეკოთანაშ ლანტეფი,
კინე, კინე მუშენ მუმაღორია,
სქან დუდჲ შორშე ხვათახვალე ფხანტენი,
ქუმურცჷ დო მიდამიღანც ბორია.
მა შხვა ვორექ... ბორჯიშ მიკნახოლეფი,
ჩქიმ ტანც ბჟაში ჩხორიეფქჷ გიოწუ,
გეგნუჸინჷ ნაჭვემერი თოლეფი,
ჩილამურო კარჩხეფჲ გითაკიონწჷ.
ქარწყექ, მუჭო ბორბოწია ირთანსჷ,
შხვაშ ვარექ-და კინ დორია ქომუჩი,
მიდგას ოკონჲ, გეზოჯას დო დირთასჷ,
მა შხვა ვორექ - ჭარაშ მენდულჲ თორუჯი.
ცას ვუჯინექ, მინ ულა რე მინ დორთა,
მუ რე მერქა, თე ბორჯიში ნაპიჯი?
ჩქიმ ვარექ-და წყარმალუშა ვამორთა,
ქოგიჸორქ-და ქეწომზადე ზღვაპიჯი.