ლაზეფი დო მარგალეფი
Jump to navigation
Jump to search
ლაზეფი დო მარგალეფი
მარგალეფი დო ჭანეფი,
ვავორეთ დო მუშენ ვორდათ
შხვაშა მიოჭარალეფი…
ჯიმათ მიოფუჩინალეფს
ართი ნერი ეთოპუნა,
ქიდვეკვირათ, ლაზ-ეგრეფი
ართი ნერო გეროჸუნა
კოლხეფიშე გამნარყ ვორეთ,
ართ ქვარაშე გიმნაულა,
ოლაზეშა ვამიტენა,
მოკო ოლაზეშა ულა…
მიდგარენს გურს გასოფანსუ
კოლხ-ლაზ-მარგალიში შინა,
გინობჭყვიდათ ჯუმალეფი,
ჯვეშობურო ართო რინა…
მუთუნ ქომოლობა ვარე
შხვაში უღუშ ეთორინა…