სარალო
Jump to navigation
Jump to search
სოხუმშე გინორაჸილ ცირას
გილელიო, სი სარალო,
შარას ქიმწოლიო გვალო,
გინართაფუს გილარექ დო
ორინტინა რინტუცალო...
ავტო დიხას გიოხოცქჷ,
სი ვა გოკო ბრელ ხანს ჯინა,
კიდირ ეშაჭკირილ კაბას
ბირგულიშ ჟი ეთმუკინა...
ხანიორი ვარექ, მარა,
მიგკოხვილჷ ანდა ჭუა,
ვათანძარაქ გოწყინუ და
გურიშ დინოხოლე ჩუა...
ბარანეფიშ ჯგირობუა
ქეშეხვეწი მანცხვარს, ილორს,
ანწიანიშ წიმი ვარა
ქორდა გურიგოჩამილო...
მოკო ღორონთქ ქიმკგოჯინას,
ირფელ თებულ ვარდას გვალო,
მუშენ მორთი თეცალ დღაშა
სი სარალო, სი სარალო...